Top.Mail.Ru

Сайт нұсқасы

ru kz

Зектілері

Түркістан облысы бір айдан бері "жасыл" аймақта тұр: Мұның сыры неде

Опубликовано:

Көшедегі адамдар
Көрнекі фото: NUR.KZ

Түркістан облысы қоғамдық денсаулық басқармасының басшысы Марат Пашимов өңірдің "жасыл" аймақта ұзақ уақыт тұрақтауының "құпиясын" ашты деп хабарлайды Sputnik Қазақстан.

Түркістан облысы 15 тамыздан бері коронавирустың таралу көрсеткіші бойынша "жасыл" аймақта тұр. Орталық коммуникациялар қызметінде өткен брифингте журналистер мұның сырын сұрады.

"Бұл сұрақ сізді ғана емес, бәрін қызықтырады. Тіпті, министр де үнемі осы сауалды қояды. Біріншіден, бізде халықты вакциналау көрсеткіші өте жоғары. Екіншіден, ешкім ештеңе жасырмайды (вирус жұқтырғандар статистикасын – Sputnik). Комиссия бірнеше рет тексеріс жүргізді, ешкім статистиканы бұрмалаумен айналыспайтыны дәлелденді", – дейді Пашимов.

Төртіншіден, оның айтуынша, өңірде халық тығыз қоныстанса да, дені ауылдарда тұрады.

Сондай-ақ, санитарлық нормаларды сақтауға баса мән беріледі.

"Әр апта сайын штабтың отырысы өтеді. Бұл мәселемен әкімнің өзі айналысады. Сондықтан "жасыл" аймақта болуымыз біздің ортақ жұмысымыз деп ойлаймын", – дейді басқарма басшысы.

Оған қоса, аймақтық қоғамдық денсаулық басқармасының басшысы күн сайын 3-4 мың ПТР-тест өткізілетінін атап өтті.

Айтуынша, вакцина салдыру жағынан Түркістан облысы республика бойынша бірінші орында. 937 мың адамның 816 мыңы, яғни, 84,4 пайызы бірінші компонент алса, екінші компонент 663 мың адамға егілген, ол 67 пайызды құрайды.

"Вакцина жеткілікті. Эпидемиологиялық жағдай тұрақты", - дейді Марат Пашимов.

Мақаланың түпнұсқасы: https://kaz.nur.kz/society/1931508-turkistan-oblysy-bir-aidan-beri-zasyl-aimaqta-tur-onirdin-bas-sanitarlyq-darigeri-munyn-syryn-aitty/

pixel