RU

20 қыркүйектен бастап оқушылар мен студенттер қашықтан оқуға көшірілетіні рас па

Мектеп
Көрнекі фото: pixabay.com

WhatsApp мессенджерінде қазақстандықтар отандық БАҚ-та түсірілген скриншотты таратуда. Суретте 20 қыркүйектен бастап еліміздің барлық оқушысы мен студенті онлайн режимде оқуға көшетіні туралы жаңалық көрсетілген. Алайда stopfake.kz бұл ақпаратты шындыққа сәйкес келмейтінін анықтады.

Басылым мәліметінше, таратылатын сурет графикалық редакторларда өңделген. Қашықтан оқыту форматына көшу туралы хабарламадағы қаріп жаңалықтар порталында қолданылатын қаріптен ерекшеленеді. Сонымен қатар хабарламада стилистикалық қателер бар.

Онлайн оқыту форматына көшу туралы ақпаратты Санитарлық-эпидемиологиялық бақылау комитеті де жоққа шығарды.

"Бұл ақпарат шындыққа жанаспайды. Балалар офлайн режимде оқуда және оқуын жалғастырады. Егер сыныпта коронавирустық инфекция жұқтырған оқушы анықталса, онда тек осы сынып қана екі апталық карантинге жіберіледі. Мектептегі қалған барлық оқушы оқуын дәстүрлі форматта жалғастырады", – деді ведомствоның ресми өкілі Ержан Байтанаев.

Демек қашықтан оқытуға көшу туралы хабарламалар фейк, ал скриншот - қолдан жасалған.

Мақаланың түпнұсқасы: https://kaz.nur.kz/society/1932658-20-qyrkuiekten-bastap-oqusylar-men-studentter-qasyqtan-oqytuga-kosiriletini-ras-pa/