RU

4 градус үсік, жаңбыр: Синоптиктер бүгінгі күнге ауа райы болжамын ұсынды

Күз
Көрнекі сурет: pixabay.com

22 қыркүйекте болатын ерекше метеорологиялық құбылыстарға болжау консультациясын "Қазгидромет" РМК синоптиктері назарға ұсынды.

Еліміздің басым бөлігінде фронтальдық бөлімдердің ықпалымен тұрақсыз ауа райы сақталады, жаңбыр жауады, еліміздің оңтүстік таулы аудандарында және оңтүстік-шығысында найзағай болады, солтүстігінде аздаған жауын-шашын (қар аралас жаңбыр) болады.

Тек еліміздің орталығында, шығысында, солтүстік-батысында және оңтүстік-батысында жауын-шашынсыз ауа райы күтіледі. Республиканың солтүстігінде, батысында, оңтүстік-батысында, оңтүстіктің таулы аудандарында және оңтүстік-шығысында жел күшейеді, оңтүстік-батысында шаңды дауыл, солтүстігінде, солтүстік-батысында тұман күтіледі.

Қостанай облысының солтүстігінде және солтүстік-батысында, Ақмола облысының солтүстігінде және шығысында, Солтүстік Қазақстан облысының солтүстік-батысында, түнде Павлодар облысының оңтүстігінде тұман күтіледі, күндіз Ақмола облысының солтүстігінде жел 15-20 м/с дейін күшейеді.

Жамбыл облысының таулы аудандарында, Түркістан облысында найзағай күтіледі, жел 15-20 м/с дейін күшейеді. Күндіз Қызылорда облысының оңтүстігінде, Маңғыстау облысының солтүстік-шығысында жел 15-20 м/с дейін күшейеді, Маңғыстау облысының солтүстік-шығысында шаңды дауыл болады. Күндіз Батыс Қазақстан облысында, Атырау облысының оңтүстігінде, орталығында жел 15-20 м/с дейін күшейеді.

Түнде Қостанай облысының солтүстігінде, солтүстік-батысында, Солтүстік Қазақстан облысының оңтүстік-батысында, Жамбыл облысының тау және таулы аудандарында топырақ бетінде 2-4 градус үсік күтіледі.

Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай облысының оңтүстік-батысында, батысында, орталығында, Қостанай, Қарағанды облыстарының оңтүстік-батысында, батысында және орталығында, Батыс Қазақстан облысының шығысында және оңтүстігінде, Шығыс Қазақстан облысының оңтүстігінде төтенше өрт қаупі сақталады.

Мақаланың түпнұсқасы: https://kaz.nur.kz/society/1933216-4-gradus-usik-zanbyr-sinoptikter-bugingi-kunge-aua-raiy-bolzamyn-usyndy/