RU

Ақтау тұрғыны 200 миллион теңгеден астам бюджет қаражатын иемденген

Ақша
Көрнекі фото: NUR.KZ/Петр Карандашов

Маңғыстау облысында миллиондаған бюджет қаражатын иемдену мен ысырап ету фактісі анықталды. Бұл іс бойынша компаниялардың бірінің директорына қатысты үкім шығарылды деп хабарлайды KAZ.NUR.KZ тілшісі қаржылық мониторинг агенттігінің баспасөз қызметіне сілтеме жасап.

Ведомствоның мәліметінше, 2018-2020 жылдары 100% құрылтайшысы Маңғыстау облысының қаржы басқармасы болып табылатын "Комфорт Строй Ақтау" ЖШС мен "Ақтау тұрғын үй" ЖШС арасында Ақтау қаласындағы 23 тұрғын үйді күрделі жөндеуден кейін қабылдауға және тұрғын үйге қызмет көрсетуге келісім шарт жасалған.

Компания сонымен қатар жалға алушылардан есеп жүргізуге, ай сайынғы төлемдер мен тұрғын үй көмегін қабылдауға мәжбүр болды. "Комфорт Строй Ақтау" ЖШС директоры Коренева серіктестіктің есеп айырысу шоттарынан ақша алып, 228 миллионнан астам теңгені иемденді.

Ақтау қалалық сотының үкімімен кәсіпкер әйел 7 жылға бас бостандығынан айырылды.

Еске сала кетейік, Семейде пара алғаны үшін сотталған Аягөз қаласының бұрынғы әкімі Қуаныш Азыханов бес айдан соң түрмеден босап шықты.

ШҚО соты баспасөз қызметінің ақпаратынша, Азыханов Семей қаласы №2 сотынан жазаның өтелмеген бөлігін айыппұлға ауыстыруды өтінген. Қолдаухатта экс-әкім заңмен белгіленген жаза мерзімін (1/3) өтегенін айтқан.

Мақаланың түпнұсқасы: https://kaz.nur.kz/society/1936133-aqtau-turgyny-200-million-tengeden-astam-byudzet-qarazatyn-iemdengen/