RU

Көкшетауда мұғалім 1-сынып оқушыларының маңдайына "дәптер" деп жазып берген

Дәптер
Көрнекі фото: piqsels.com

Көкшетауда дәптерлерін үйде ұмытқан бірінші сыныптың 12 оқушысының маңдайына "дәптер" деп жазып берген мұғалім жұмыстан шығарылды деп хабарлайды Sputnik Қазақстан.

Даулы оқиға Көкшетаудағы мектеп-гимназияның бірінде болған. Сабақ кезінде 12 оқушының дәптерін үйде ұмытып кеткені анықталған.

Осылайша, педагог балалардың маңдайына қаламсаппен "дәптер" деп жазып берген.

Білім беру мекемесінің басшылығы мұғалімнің мектепте биыл 1 қыркүйектен бастап сынақ мерзімінде жүргенін хабарлады. Десе де, педагогтің 27 жылдың тәжірибесі бар.

Болған жайтты білген мектеп әкімшілігі мұғаліммен сөйлесіп, артынша жұмыстан шығарған.

"19 қазанда Еңбек кодексінің 52-бабы 1-бөлігі 14-тармағына сәйкес (Тәрбиелеу функцияларын атқаратын жұмыскер осы жұмысын жалғастырумен сыйыспайтын, моральға қайшы қылықтар жасауы) еңбек шарты біржақты тәртіппен бұзылды", - дейді мектеп-гимназиясының әкімшілігі.

Ал Ақмола облысының білім басқармасы қызметтік тексеріс жүргізіліп, шұғыл жиналыс өткенін хабарлады.

"Қазіргі уақытта сыныпта оқу процесі жалғасуда. Балалармен психолог жұмыс істеді, ал ата-аналармен жиналыс өткізілді", - дейді ведомстводан.

Мақаланың түпнұсқасы: https://kaz.nur.kz/society/1938233-koksetauda-mugalim-1-synyp-oqusylarynyn-mandaiyna-dapter-dep-zazyp-bergen/