Бағдат Мусин отбасындағы қуанышты жаңалығы туралы айтты

Цифрлық даму, инновациялар және аэроғарыш өнеркәсібі министрі Бағдат Мусиннің отбасында бесінші сәби дүниеге келмек деп хабарлайды Sputnik Қазақстан.

Шенеунік қуанышты жаңалығын мәжілісте өткен мемлекеттік қызмет көрсету процесін жақсарту туралы үкімет сағатында айтты.

Министрдің сөзінше, қазір халыққа қызмет көрсету орталықтарында мемлекеттік бажды QR арқылы төлеу мүмкіндігі пайда болған.

Сондай-ақ, азаматтарға sms-пен хабар беру қызметі кеңейтілуде. Атап айтқанда, енді пәтер иелеріне мекенжайға жаңа тұрғын тіркелгенде, sms-хабарландыру келеді.

Мусиннің айтуынша, бұл қызмет үйіне бірнеше адам тіркелгенінен хабарсыз болған қазақстандықтардың шағымынан кейін енгізілген.

"Бүгінде сәби күтіп жүрген адамдарға, мысалы менің жұбайыма... біз сәби күтіп жүрміз, бүкіл хабарландыру sms арқылы келеді", – дейді министр.

Бағдат Мусин қазір қазақстандықтарға 690 мемлекеттік қызмет көрсетілетінін, жақын арада олардың тізімі 1 788-ге дейін өсетінін жеткізді.

Айта кеткен жөн, Бағдат Мусин екі қыз, екі ұл тәрбиелеп отыр.

Мәтіннен қате тапсаңыз, бізге жазыңыз