jitsu gif branding logo appbranding logo app

Елімізге бір миллионға жуық қандас көшіп келмек

Қандастар
Фото: Сыртқы істер министрлігі

Шетелдегі 1 миллионға жуық қандас Қазақстанға көшіп келуге ниетті. Бұл туралы "Отандастар қоры" КЕАҚ вице-президенті Мағауия Сарбасов мәлім етті, деп хабарлайды ҚазАқпарат.

"Ақпарат және қоғамдық даму министрлігінің тапсырмасына сәйкес біз қандастарға арналған "Ерулік" атты жаңа сайт аштық. Сайт қазақ және орыс тілдерінде, латын және төте жазу нұсқаларында ақпарат таратып жатыр. Мұндағы мақсат – отанға көшіп келуге ниетті қандастарды ақпаратпен қамту. Осы орайда, елімізде сырттан келген қандастар жиі орналасатын Ақмола, Қостанай, Павлодар, Солтүстік Қазақстан және Шығыс Қазақстан облыстарының әлеуметтік-экономикалық даму көрсеткіші көшіп келуді жоспарлаған қандастарға ақпарат түрінде ұсынылып отыр. Яғни қандастар алдын ала қайда келетінін, ол жердегі жол қандай, мектеп бар ма және тағы басқа маңызды жайттармен алдын ала таныса алады" , - деді Сарбасов.

Сондай-ақ, қордың вице-президенті қазіргі таңда 1 млн-ға жуық қандас елге көшіп келуге ниетті екенін айтты.

"Бүгінде қандастарымыздың аталған сайтқа кіру, оқу динамакасы артып келеді. Әсіресе Қытай, Ресей, Иран, Моңғолия, Өзбекстан, Ұлыбритания мен Германиядағы қандастарымыздың ерулік сайтына жиі кіретіні байқалып отыр. Демек аталған елдердегі қандастарымыз отанына келугі қызығушылық танытады деген сөз. Біздегі сараптамалық талдауға сүйенсек, бүгінде 1 миллионға жуық қандасымыз елге көшіп келуге ниетті. Каратиндік талаптар жеңілдетіліп, шекаралар ашылса көш ұлғаяды деген үміттеміз", - дейді ол.

Барлығын бірінші болып біліп отырыңыз

Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

Instagram
Сақтаулылар
Мұнда әзірше бос
Жарияланым парақшасында «
» батырмасын қолданып, оны сақтаулылар тізіміне қосыңыз.