Тұман, көктайғақ, жел: Синоптиктер еліміздің бірнеше өңірінде дауылды ескерту жариялады

"Қазгидромет" РМК синоптиктері 11 қарашада еліміздің бірнеше өңірінде ауа райына байланысты дауылды ескерту жариялады, деп жазады KAZ.NUR.KZ тілшісі.

Түнде 11 қарашада Маңғыстау облысының солтүстігінде көктайғақ күтіледі. Солтүстік-батыстан жел соғады, түнде облыстың батысында, солтүстік-шығысында екпіні 15-20 м/с, түнде екпіні 23 м/с күтіледі.

11 қарашада Атырау облысының шығысында солтүстіктен жел соғады, екпіні 15-20 м/с.

Батыс Қазақстан облысының солтүстігінде тұман, түнде облыстың шығысында көктайғақ күтіледі. Жел солтүстіктен оңтүстік-батысқа ауысып соғады, түнде облыстың шығысында екпіні 15-20 м/с.

Ақмола облысының солтүстік-батысында, шығысында көктайғақ күтіледі. Күндіз облыстың батысында жаяу бұрқасын күтіледі. Оңтүстік-батыстан жел соғады, түнде облыстың оңтүстік-шығысында, күндіз солтүстік-батысында 15-20 м/с күшейеді.

11 қарашада түнде Түркістан облысының оңтүстік және таулы аудандарында тұман күтіледі.

Нұр-Сұлтан қаласында 11 қарашада көктайғақ күтіледі.

Қарағанды облысының оңтүстік-шығысында тұман күтіледі.

Қостанай облысының солтүстігінде, шығысында көктайғақ, тұман, жаяу бұрқасын күтіледі. Солтүстіктен, солтүстік-батыстан жел соғады, күші облыстың солтүстігінде 15-20 м/с.

11 қарашада күндіз Қызылорда облысының солтүстік-батысында жел оңтүстіктен, оңтүстік-батыстан соғады, 15-20 м/с күтіледі.

Павлодар облысының солтүстігінде тұман, көктайғақ күтіледі. Облыстың батысында, оңтүстігінде оңтүстік-батыстан жел соғады, екпіні 15-20 м/с.