Қазақстандықтар желтоқсан мен қаңтар айында қанша күн демалады

Ел тұрғындарының желтоқсан мен қаңтар айында қанша күн демалатыны белгілі болды. Алдағы айда қазақстандықтарды бірнеше мереке күтіп тұр, деп жазады KAZ.NUR.KZ тілшісі электрондық үкімет порталына сілтеме жасап.

Елімізде 1 желтоқсан Тұңғыш президент күнін атап өтуден басталады. Бұл мерекенің құрметіне тұрғындар бір күн демалады.

16-17 желтоқсан Тәуелсіздік күні бейсенбі мен жұмаға түсіп тұр. Сәйкесінше, аптасына бес күн жұмыс істейтін қазақстандықтар 16-19 желтоқсан аралығында төрт күн демалады.

31 желтоқсан жұмаға түседі, дегенмен бұл дата жұмыс күні деп есептеледі.

Жалпы алғанда, желтоқсан айында аптасына бес күн жұмыс істейтін қазақстандықтар 11 күн, ал алты күн жұмыс істейтіндер 7 күн демалатын болады.

Ал 2022 жылдың 1-2 қаңтары сенбі-жексенбіге түсіп тұрғандықтан, сәйкесінше демалыс күндері 3-4 қаңтарға ауыстырылады.

5-6 қаңтар күндері қайтадан жұмыс күні, ал 7 қаңтарда ел тұрғындары Рождество мерекесін атап өтеді. Сол себепті, жұма 7 қаңтар демалыс болады.

8-9 қаңтар сенбі-жексенбі, 10 қаңтарда жаңа жұмыс аптасы басталады.

Мәтіннен қате тапсаңыз, бізге жазыңыз