Ақтөбелік журналист "Қазақ аруы 2021" байқауының жеңімпазы атанды
Опубликовано:
Алматыда өткен "Қазақ аруы-2021" байқауының жеңімпазы анықталды, деп жазады KAZ.NUR.KZ тілшісі.
"Хабар" арнасының мәліметінше, биыл "Қазақ аруы" тәжі 21 жастағы ақтөбелік журналист Аружан Аманжоловаға бұйырған.
Бойжеткен "Aqtobe" телеарнасындағы "Қайырлы таң, Ақтөбе" бағдарламасын жүргізеді.
Жоба продюсері Баян Алагөзованың жазуынша, Аружанның журналистикаға деген махаббатын телевизия ардагері Нұртілеу Иманғалиұлының "Бай-қуатты болайық" деген сөздері оятқан.
"Аружан Қоғамға айшықты ақпарат беріп, ұлтының жанашыры болуды кәсіби миссиясы, ал ұлтсүйер, ұлтына қызмет етер ұрпақ тәрбиелеуді өмірлік мақсаты деп біледі", - дейді ол.
Айта кетсек, 2020 жылы Алматы облысының тумасы Нарқыз Айдарова "Қазақ аруы" атанған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/1946029-aqtobelik-zurnalist-qazaq-aruy-2021-baiqauynyn-zenimpazy-atandy-foto/