Қазақстанда алдағы демалыс күндері ауа райы қандай болады

Опубликовано:

Шаңғы
Көрнекі фото: pixabay.com

Синоптиктер мереке күндері елімізде ауа райы қандай болатынын болжады, деп хабарлайды KAZ.NUR.KZ порталы "Қазгидрометке" сілтеме жасап.

Мамандардың дерегінше, 16 желтоқсанда елдің басым бөлігінде жауын-шашынсыз. Тек солтүстік пен шығыста Солтүстік-батыс циклонының әсерінен қар жауады, бұрқасын болады. Елдің кей жерінде жел күшейіп, тұман түседі.

Одан бөлек, синоптиктер Қазақстан аумағының басым бөлігінің ауа райын, Солтүстік-Батыс антициклоны айқындайтынын мәлімдеді.

Ол қысқа мерзімді температураның төмендеуіне және жауын-шашынның тоқтауына алып келмек.

"Республиканың оңтүстік өңірлері әлі де циклондардың фронтальды қызмет аймағында болады — мұнда жаңбыр мен қар түрінде жауын-шашын, көктайғақ құбылыстары мен тұман күтіледі. Алайда кезеңнің соңына қарай солтүстік-батыс антициклон осы өңірлерді де қамтиды, осыған байланысты мұнда да температураның төмендеуі және жауын-шашынның біртіндеп тоқтауы болжанады" делінген хабарламада.

Сонымен қатар, синоптиктер мереке күндері еліміздің батысында Скандинавия аймақтарынан циклон шұңқыры әсер ете бастайтынын жеткізді. Осыған байланысты аталған аймақтарда жауын-шашын күтіледі және көктайғақ болуы мүмкін.

Мақаланың түпнұсқасы: https://kaz.nur.kz/society/1947153-qazaqstanda-aldagy-demalys-kunderi-aua-raiy-qandai-bolady/