Lexus-ты полицей тізгіндеген: Өскемендегі жол апатына қатысты іс жабылды

Опубликовано:

Жол апаты
Фото: Куәгерлер

12 қараша күні Өскеменде автобус пен Lexus көлігінің қатысуымен жол апаты болды. Темір тұлпардың тізгінінде полицей отырған. ШҚО полиция департаменті тәртіп сақшыларына қатысты қылмыстық істің тоқтатылғанын хабарлады, деп жазады KAZ.NUR.KZ.

Ведомство жол апатынан кейін Қылмыстық кодекстің 345- бабы бойынша (Абайсызда адам денсаулығына орташа ауырлықтағы зиян келтіруге әкеп соққан ЖҚЕ бұзу) қылмыстық іс қозғалғанын атап өтті.

"Жәбірленушілердің жазбаша бас тартуларына қарамастан, сотқа дейінгі тексеру аясында 7 жолаушыға қатысты сот-медициналық сараптама тағайындалды және өткізілді", - деп атап өтті Шығыс Қазақстан облысының полиция департаментінде.

Салдарынан жәбірленушілердің барлығының денсаулығына зиян келген. Lexus көлігінің жүргізушісіне қатысты химия-биологиялық сараптама өткізілді, ол алкоголь мен есірткі анықталған жоқ.

"Бүгінгі таңда Lexus жүргізушісіне қатысты сотқа дейінгі тергеу материалдары бойынша іс жүргізу қылмыстық құқық бұзушылық құрамының болмауына байланысты тоқтатылды. Ол ҚР ӘҚБтК - нің 610-бабының 2-бөлігі бойынша әкімшілік жауапкершілікке тартылады (жүргізушінің жол қозғалысы ережелерін бұзуы адамдардың денсаулығына зиян келтіруге, көлік құралдарының немесе өзге мүліктің бүлінуіне әкеп соғады)", - деп хабарлады ведомствоның баспасөз қызметі.

Мақаланың түпнұсқасы: https://kaz.nur.kz/society/1948250-lexus-ty-policei-tizgindegen-oskemendegi-zol-apatyna-qatysty-is-zabyldy/