Еліміздің 9 облысында ауа райына байланысты дауылдық ескерту жарияланды

Қазақстанның 9 облысында ауа райына байланысты дауылдық ескерту жарияланды деп, хабарлайды "Қазгидромет" РМК-ға сілтеме жасап.

Синоптиктердің мәліметінше, 31 қаңтарда республиканың басым бөлігінде тұрақсыз ауа райы сақталады, жауын-шашын (көбінесе қар түрінде) жел, бұрқасын, көктайғақ күтіледі.

Тек республиканың оңтүстігінде жауын-шашынсыз ауа райы күтіледі. Республика бойынша кей жерлерде тұман түсуі ықтимал.

31 қаңтарда Ақмола облысының солтүстігінде, шығысында бұрқасын болып, желдің екпіні секундына 15-20 метрге дейін күшеюі мүмкін.

31 қаңтарда Батыс Қазақстан облысының оңтүстігінде тұман күтіледі, облыстың солтүстігінде, солтүстік-шығысында желдің екпіні 15-20 м/с дейін жетуі ықтимал.

31 қаңтарда түнде Ақтөбе облысының солтүстігінде бұрқасын, тұман, көктайғақ күтіледі. Облыстың солтүстік-шығысында да тұман, көктайғақ болуы мүмкін.

31 қаңтарда Қостанай облысының оңтүстігінде бұрқасын болып, желдің күші 15-20 м/с дейін жетуі ықтимал. Облыстың батысы мен солтүстігінде тұман күтіледі.

31 қаңтарда Солтүстік Қазақстан облысының батысында да бұрқасын күтіледі, күндіз облыстың батысында желдің екпіні 15-20 м/с дейін жетуі ықтимал.

31 қаңтарда Шығыс Қазақстан облысының батысында, оңтүстігінде бұрқасын күтіледі, облыстың батысында желдің күші 15-20 м/с дейін жетуі мүмкін.

31 қаңтарда Түркістан облысының оңтүстігінде, батысында, таулы, тау бөктерлі аудандарында, Қызылорда облысының солтүстігінде, Жамбыл облысының солтүстігінде, таулы және тау бөктерлі аудандарында тұман күтіледі.

31 қаңтарда түнде Алматы облысының шығысында, Атырау облысының батысында, солтүстігінде және орталығында, Маңғыстау облысының солтүстік-батысында тұман, көктайғақ күтіледі.

Мәтіннен қате тапсаңыз, бізге жазыңыз