Қызыл кітапқа енген ағаштың 20 тоннасын шекарадан заңсыз алып өтпек болған ер адам ұсталды
Опубликовано:
Жамбыл облысында 33 жастағы шымкенттік Қызыл кітапқа енген сексеуілдің 20 тоннасын шекарадан шығармақ болған, деп хабарлайды аймақтың полиция департаментінің баспасөз қызметіне сілтеме жасай отырып KAZ.NUR.KZ тілшісі.
Ақпан айының 1-і күні күдікті Қордай ауданының "Қарасу" көлік өткізу бекетінде ұсталған. Күдікті Шымкент қаласының 33 жастағы тұрғыны екені анықталды.
Айта кетерлігі, "Браконьер" жедел алдын алу іс-шарасы кезінде пайдалануға тыйым салынған ағаш түрін заңсыз кесіп, тасымалдаған ер адамды ұстаған.
Ұсталған азамат өз кінәсін мойындады. Бұл дерекке қатысты Қылмыстық кодекстің 339-бабы 1-тармағы бойынша (сирек кездесетін және жойылып кету қаупі бар, сондай-ақ пайдалануға тыйым салынған өсімдіктер мен жануарлардың түрлерін, олардың бөліктерін немесе дериваттарын заңсыз пайдалану) сотқа дейінгі тергеу жұмыстары басталды.
Күдіктіден 20 тонна сексеуіл тәркіленді. Қазіргі уақытта сот-биологиялық сараптама тағайындалды.
Мақаланың түпнұсқасы: https://kaz.nur.kz/society/1954934-qyzyl-kitapqa-engen-agastyn-20-qabyn-sekaradan-zansyz-alyp-otpek-bolgan-er-adam-ustaldy/