Top.Mail.Ru

Сайт нұсқасы

ru kz

Зектілері

Қазақстандықтар VIP нөмірлерге 6 млрд теңге жұмсаған

Опубликовано:

Көлік1
Көрнекі фото: piqsels.com

2021 жылы 20 мыңнан астам қазақстандық әдемі нөмірлерге ие болған, деп хабарлайды ҚазАқпарат.

Өткен жылы қазақстандықтар жалпы сомасы 5,8 млрд теңгеге жоғары сұранысқа ие немесе VIP деп аталатын нөмірлерді сатып алған.

Автокөлік иелері 2020 жылмен салыстырғанда әдемі нөмірлерді көбірек рәсімдей бастаған, ол кезде 3,9 млрд теңгеге 12 616 нөмір алынған болатын.

2021 жылы VIP нөмірлерге ең көп қаражат жұмсаған Алматылықтар – 2,2 млрд теңге сомасына 6882 нөмір. Екінші орында Шымкент автокөлік иелері – 818 млн теңге сомасына 3190 нөмір, ал үштіктің соңында Нұр-Сұлтан – 667 млн теңгеге 2231 нөмір.

VIP нөмірлерге сұраныс Солтүстік Қазақстан облысында аз. Өткен жылы онда 45 млн теңгеге барлығы 169 ерекше нөмір тізбегі сатып алынған.

Сандар мен әріптердің комбинациясына байланысты VIP-нөмірлердің бағасы 174 591 теңгеден басталады, ең қымбаты үшін 872 955 теңге сұралады.

Нөмір иесі ерекше нөмірлер тізбегін үшінші тарапқа сыйға бере де, сата да алмайды. Егер көлік сатылса, нөмір иесі оны жаңа көлік сатып алғанға дейін мамандандырылған ХҚО-да 6 ай сақтай алады.

Мақаланың түпнұсқасы: https://kaz.nur.kz/society/1955535-qazaqstandyqtar-vip-nomirlerge-6-mlrd-tenge-zumsagan/

pixel