Коронавирус: Еліміздің тағы екі облысы "жасыл" аймаққа өтті

Елдегі эпидемиологиялық ахуалды бағалау матрицасы жаңарды. Оған сәйкес, Батыс Қазақстан мен Шығыс Қазақстан облыстары "сары" аймақтан "жасыл" аймаққа өтті, деп хабарлайды COVID-19-дың таралуына жол бермеу жөніндегі ВАК Telegram каналында.

17 ақпандағы жағдай бойынша Қазақстан өңірлеріндегі эпидемиологиялық ахуалды бағалау матрицасы келесідей:

• "қызыл" аймақта Алматы қаласы, Ақмола, Қостанай, Павлодар, Солтүстік Қазақстан облыстары;
• "сары" аймақта Нұр-Сұлтан қаласы, Батыс Қазақстан, Қарағанды облыстары;
• "жасыл" аймақта Шымкент қаласы, Алматы, Ақтөбе, Атырау, Шығыс Қазақстан, Жамбыл, Қызылорда, Маңғыстау, Түркістан облыстары тұр.

Айта кетсек, елімізде өткен тәулікте 1349 адамнан коронавирус инфекциясы анықталған еді. Осылайша, ел бойынша COVID-19 жұқтырғандар саны 1 295 250-ге жетіп отыр.

Соңғы мәлімет бойынша 42 319 адам коронавирус инфекциясынан емделуде, оның ішінде 5 684 пациент стационарда, 36 635 науқас амбулаториялық деңгейде ем қабылдауда.

Жалпы, 299 адамның жағдайы ауыр, 126 пациенттің жағдайы өте ауыр деп бағалануда. Тағы 97 науқас өкпені жасанды желдету аппаратында жатыр.