Қазақстан көршілес елдер үшін құрлық шекарасын ашады

11 сәуірден бастап Қазақстан Қырғызстанмен, Өзбекстанмен және Ресеймен құрлық шекарасы бойынша шектеулерді алып тастайды. Бұл туралы COVID-19 таралуына жол бермеу жөніндегі ВАК-тың ресми Telegram каналында хабарланды.

Қазақстан Республикасының аумағында коронавирустық инфекцияның таралуына жол бермеу жөніндегі ведомствоаралық комиссия бұл туралы шешімді 6 сәуірде қабылдады.

"Ертең, 11 сәуірден бастап дос-жаран, туыстары мен жақындарымен ұзақ уақыт бойы қауышпаған адамдар өткізу бекеттерін шектеусіз кесіп өте алады", - делінген хабарламада.

Сондай-ақ Қазақстанның мемлекеттік шекарасын әуеқатынасы арқылы кесіп өтуге белгіленген барлық шектеулер алынады.

Алайда,қазақстандықтарға ПТР әдісімен COVID-19 зерттеуінің теріс нәтижесі бар анықтаманы ұсыну талабы сақталатынын ескертті. Қазақстандықтар мен Қазақстан Республикасы аумағында тұруға ықтиярхаты бар шетел азаматтары, вакцинация паспорттарын өзара тануы бар болған кезде шетел азаматтары вакциналау, ревакциналаудың толық курсынан өткендігін растайтын құжат/төлқұжатты міндетті түрде ұсыну қажет.

Мәтіннен қате тапсаңыз, бізге жазыңыз