Самара-Шымкент тас жолында жүк көлігі мен шағын автобус соқтығысты (видео)

Түркістан облысының Сайрам ауданында шағын автобус пен жүк көлігінің қатысуымен жол апаты болып, салдарынан жеті адам зардап шекті, деп хабарлайды Otyrar.kz.

Жол көлік оқиғасы кеше, 17 сәуірде сағат 22:00 шамасында Самара-Шымкент тасжолында тіркелді.

Басылымның мәліметінше, Алматыдан Шымкентке бағыт алған Toyota Alphard шағынавтобусы тасжолда HOWO жүк көлігімен соқтығысқан.

Алдын-ала болжам бойынша, минивэн жүргізушісі қашықтықты сақтамаған. Ол рөлде ұйықтап кеткен болуы мүмкін.

Апат салдарынан жеті адам зардап шекті. Toyota Alphard көлігінің жүргізушісі мен жолаушылары ауруханаға жеткізілді. ⠀

Қазіргі уақытта оқиғаның мән-жайын анықтау үшін тексеру жұмыстары жүргізілуде.

Естеріңізге сала кетейік, бұған дейін Алматы-Өскемен тас жолында Hovo жүк көлігі Қапшағайға жақын маңдағы жол көпіріне шанағымен соғылғанын жазған едік.