Ақтөбеде бағытын жоғалтқан қоғамдық көлік жолдан шығып кетіп, ғимаратқа соғылды (видео)

Ақтөбе қоғамдық көлік жолдан шығып кетіп, ғимаратқа соқтығысты, деп хабарлайды KAZ.NUR.KZ тілшісі өңірдің полиция департаментіне сілтеме жасап.

Кадрдан автобустың бір сәтте жолдан шығып кеткенін, тротуарды кесіп өтіп, ғимаратқа соғылғанын байқауға болады.

Ақтөбе облысының полиция департаменті 18 сәуірде Шернияз-Уәлиханов көшелерінің қиылысында қоғамдық көліктің қатысуымен жол апаты тіркелгенін хабарлады.

"№7 автобустың жүргізушісі Шернияз көшесімен Уәлиханов бағытында келе жатып, жол жиегіндегі қоршауға соқтығысуға жол берді, салдарынан бағытын өзгертіп, дүкен ғимаратына соқтығысты", - делінген ведомство хабарламасында.

Полиция департаменті қоғамдық көліктің салонында жолаушылар болмағанын атап өтті.

Жол апатынан ешкім зардап шеккен жоқ. Қазіргі уақытта тексеру жұмыстары жүріп жатыр.