Үкіметте дағдарысқа қарсы қосымша шаралар қаралды

Опубликовано:

Үкімет үйі
Фото: primeminister.kz

Бүгін Үкімет үйінде премьер-министр Әлихан Смайылов дағдарысқа қарсы қосымша шаралар жөнінде кеңес өткізді, деп хабарлайды primeminister.kz.

Отырыс барысында үкіметтің сыртқы экономикалық және геосаяси факторлардың қазақстандық өндірушілерге әсерін мұқият қадағалап отырғаны атап өтілді.

Отандық компаниялардың одан әрі дамуы және әкімшілік жүктемені төмендету үшін бірқатар жаңа қолдау шараларын енгізу ұсынылады.

Осылайша, мемлекеттік сатып алу аясында өз міндеттемелерін орындау кезінде форс-мажорлық жағдайларға (логистикалық дәліздердің жабылуы, жеткізілімдердің уақытылы орындалмауы және тағы басқа) тап болған компанияларды жосықсыз жеткізушілер тізіліміне енгізбеу тетіктерін пысықтау ұсынылады.

Сонымен қатар ауыл шаруашылығы өндірушілерін қолдау үшін сақтандыру сыйақыларын мемлекеттік субсидиялау көлемін ұлғайту ұсынылады.

Сондай-ақ елімізде шығарылатын ауыл шаруашылығы техникасының жеңілдікті лизингін кеңейту туралы ұсыныс қолдау тапты.

Премьер-министр ұсыныстарды қолдап, оларды жүзеге асыру мәселелерін пысықтауды тапсырды.

Мақаланың түпнұсқасы: https://kaz.nur.kz/society/1966218-ukimette-dagdarysqa-qarsy-qosymsa-saralar-qaraldy/