Атырау облысының тұрғыны әскери техниканы сатып жібермек болған
Опубликовано:
Атырау тұрғыны әскери техниканы сатып жібермек болған, деп хабарлайды Polisia.kz.
Атырауда 35 жастағы ер адам заңсыз брондалған барлау-шолғыншы көлігін (БРДМ-2) сатуға тырысқан.
Бұл туралы ақпарат полицияға 12 сәуір күні түскен. Атырау облысы ПД Экстремизмге қарсы іс-қимыл басқармасының қызметкерлері аталған фактіге байланысты іздестіру іс-шараларын жүргізу барысында 36 жастағы азаматқа тиесілі аталған әскери көлік тауып, тәркіледі.
Қазіргі уақытта аталған фактіге қатысты Қылмыстық кодекстің 386-бабы 1-бөлігі (Көлік құралының сәйкестендіру нөмірін қолдан жасау, жою, көрінеу қолдан жасалған сәйкестендіру нөмірі бар көлік құралын өткізу) бойынша сотқа дейінгі тергеп-тексеру амалдары жүргізілуде.
Ал күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
Мақаланың түпнұсқасы: https://kaz.nur.kz/society/1967107-atyrau-oblysynda-turgyn-askeri-texnikany-satpaq-zibermek-bolgan/