"1,05 миллионы Түркістан облысында тұрады": Қазақстандағы ер адамдардың саны қанша

Стратегиялық жоспарлау және реформалар агенттігінің Ұлттық статистика бюросы Facebook-тегі парақшасында Қазақстандағы ер адамдардың санына қатысты мәлімет жариялады.

Мекеме 2021 жылғы дерек бойынша елімізде 9,2 млн ер азамат бар екенін хабарлады.

Олардың ең көбі, яғни, 1,05 млн азамат Түркістан облысында тұрады. Ал ең азы СҚО-да. Өңірде 257 мың ер адам бар.

Ұлттық статистика бюросының мәліметіне сүйенсек, ерлердің 57 пайызы қалада, 43 пайызы ауылды жерде тұрады.

Одан бөлек Қазақстандағы ер адамдардың орта жасы 30,2-ні, үйленген азаматтардың орта жасы 27,9-ды құрап отыр.

Мақаланың түпнұсқасы: https://kaz.nur.kz/society/1968408-105-milliony-turkistan-oblysynda-turady-qazaqstandagy-er-adamdardyn-sany-qansa/