Тоқаев: Құрылтайдың алғашқы отырысы ұлт ұясы – Ұлытауда өткізіледі

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Құрылтайдың алғашқы отырысы Ұлытауда өтеді. Бұл туралы мемлекет басшысы Қасым-Жомарт Тоқаев референдумның қорытындысы бойынша Қазақстан халқына жасаған үндеуінде айтты, деп хабарлайды KAZ.NUR.KZ порталы Ақордаға сілтеме жасап.

"Қастерлі Тәуелсіздігімізді, ел бірлігін және қоғамдық келісімді нығайту – біздің негізгі міндетіміз. Бұл реформалар құр атақ-абырой үшін қолға алынған жоқ. Мұның бәрін Жаңа, Әділетті Қазақстан құру үшін жасап жатырмыз.

Халқымызда "Кеңесіп пішкен тон келте болмайды" деген сөз бар. Бабаларымыз маңызды мәселені алқалы жиында шешкен. Мен осы дәстүрді жаңғыртып, ұлттық құрылтай құру туралы бастама көтердім. Оған қоғамның түрлі топ өкілдері, беделді әрі белсенді азаматтар шақырылады.

Құрылтайдың алғашқы отырысы ұлт ұясы – Ұлытауда өткізіледі. Осылайша, азаматтардың мемлекет ісіне атсалысу мүмкіндігі арта түседі. Шын мәнінде, еліміздің тағдыры – әрқайсымыздың қолымызда", - дейді президент.

Мақаланың түпнұсқасы: https://kaz.nur.kz/society/1972871-toqaev-quryltaidyn-algasqy-otyrysy-ult-uyasy-ulytauda-otkiziledi/

jitsu gif