Ақтауда кәріз құдығынан шала туған шақалақ табылды

Опубликовано:

құдық
Көрнекі фото: pixabay.com

Ақтау қаласында кәріз құдығының бірінен айы-күні жетпей туған жансыз шақалақ табылды, деп хабарлайды ҚазАқпарат облыстық полиция департаментіне сілтеме жасап.

Құзырлы органның мәліметінше, бүгін, 9 маусымда сағат 11:51-де кезекші 102 пультіне шақыру келіп түскен.

Хабарламада Ақтау қаласының 32-шағын ауданындағы кәрізден айы-күні жетпей туған жансыз шақалақ табылғаны туралы айтылған.

Оқиға орнын бірден жедел-тергеу тобы барып, сот-медициналық сараптама тағайындалған.

Полиция қазіргі таңда тергеу шаралары жүргізіліп жатқанын атап өтті.

Аталған факт Қылмыстық кодекстің 001-бабы (адамның қайтыс болуы) бойынша сотқа дейінгі тергеп-тексерудің бірыңғай тізіміне тіркелген.

Мақаланың түпнұсқасы: https://kaz.nur.kz/society/1973411-aqtauda-kariz-qudygynan-sala-tugan-saqalaq-tabyldy/

jitsu gif