Қазақстандық бойжеткен "ТМД аруы-2022" титулын жеңіп алды

Опубликовано:

Диана Пирматова
Диана Пирматова. Фото: instagram.com/dess.kz

Қазақстандық Диана Пиртанова "ТМД аруы-2022" титулын жеңіп алды. Байқау 17 маусымда, Армения астанасы — Ереванда өткен.

Армения астанасында "ТМД аруы-2022" сұлулық сайысының финалы өтті. Байқау нәтижесінде қазақстандық қатысушы Диана Пиртанова жеңіске жетті. Мұндай ақпарат конкурстың Instagram парақшасында жарияланды.

Екінші орынды Грузия өкілі Эмми Мхитарян иеленді.

Ал жүлделі үшінші орынға эстониялық Карина Низинкая жайғасқан.

Байқаудың бас жүлдесіне ие болған қазақстандық ару мұның тосын жағдай болғанын атап өтті.

"Арменияға жақсы қарсы алғаны үшін рахмет. Маған елдің дәстүрімен, мәдениетімен танысу қызық болды. Тәжді мен киемін деп күтпеген едім", - деп келтіреді Sputnik Армения басылымы Диананың сөзін.

Сонымен қатар Пирматова өзінің Instagram парақшасында байқаудан алған әсерін бөлісті.

"Мен мұндай өзгеріске мүлдем дайын емес едім, жеңісіме қалай эмоция білдірерімді білмедім. Қолым дірілдеп, көзіме жас келді, бәрі тұман секілді... Бірақ бұл менің өмірімдегі ең бақыытты сәт", - деді ол.

Мақаланың түпнұсқасы: https://kaz.nur.kz/society/1974686-qazaqstandyq-aru-tmd-aruy-2022-titulyn-zenip-aldy-foto/

jitsu gif