Top.Mail.Ru

Сайт нұсқасы

ru kz

Зектілері

Жыл басынан бері 116 адам суға батып кетті: ТЖМ азаматтарға үндеу жасады

Опубликовано:

Су
Көрнекі фото: ТЖМ баспасөз қызметі

Төтенше жағдайлар министрлігі азаматтарға судағы қауіпсіздік қағидаларын сақтауға кеңес береді. Ведомствоның баспасөз қызметінің мәліметінше, жыл басынан бері 116 адам суға батып кеткен, деп жазады KAZ.NUR.KZ тілшісі.

ТЖМ ақпаратынша, елімізде 497 орында шомылуға рұқсат етілген. Осы ретте су айдындарында суға шомылуға болмайтыны және тыйым салынғаны туралы 4 195 ескерту белгісі орнатылған.

"Шомылу маусымы басталғаннан бері ІІМ, әкімдіктер және еріктілермен бірлесіп 16 412 патрульдеу мен рейд жүргізілді. Оған 43 888 адам жұмылдырылды. Нәтижесінде заң талаптарын бұзған 1 417 адам әкімшілік жауапкершілікке тартылды.

Жыл басынан бері еліміздің су айдындарында 75 адам, оның ішінде 17 бала құтқарылды. Суға шомылу маусымы басталғаннан бері (1 маусым) 46 адам, оның ішінде 8 бала құтарылды.

Қабылданып жатқан шараларға қарамастан, жыл басынан бері еліміздің су айдындарында 116 адам, оның ішінде 42 кәмелеттік жасқа толмаған бала суға батып қайтыс болды", - деді ведомстводан.

Осы ретте министрлік қиын жағдайға тап болмас үшін судағы қарапайым қауіпсіздік ережелерін қатаң сақтау қажет екенін ескертеді:

  • "Шомылуға тыйым салынады", "Сүңгуге тыйым салынады", "Қауіпті!" деген белгілері орнатылған орындарда суға шомылмаңыз;
  • мас күйінде шомылмаңыз;
  • жүзудің шекарасы белгіленген буйкадан асып жүзбеңіз;
  • шағын көлемді кемелерге және басқа да жүзу құралдарына жүзбеңіз;
  • тексерілмеген және жабдықталмаған жерлерде суға түспеңіз;
  • жүзуге арналмаған заттармен жүзбеңіз;
  • қайықтардан, катерлерден, айлақтардан, табиғи түзілімдерден (жартастар, жартастар, қойтастар, парапеттер, қоршаулар және басқа да заттар), сондай-ақ осы мақсаттарға бейімделмеген құрылыстардан суға секірмеңіз;
  • ең бастысы, балаларды су айдындарының жанында қараусыз қалдырмаңыз және ересектердің қарауынсыз шомылуға жол бермеңіз.

"Осы қарапайым ережелерді сақтау сіздің және жақын адамдарыңыздың өмірі мен денсаулығын сақтауға мүмкіндік береді", - деді министрлік өкілдері.

Мақаланың түпнұсқасы: https://kaz.nur.kz/society/1976457-zyl-basynan-beri-116-adam-suga-batyp-ketti-tzm-azamattarga-undeu-zasady/

pixel