ШҚО-да ауыл тұрғындары аюлардың омарта мен малға жиі шабуыл жасайтынын айтып, дабыл қақты

Опубликовано:

Аю
Көрнекі фото: pixabay.com

Соңғы уақытта ШҚО-да жергілікті тұрғындардың омарталары мен үй малдарына жабайы аюлардың шабуыл жасау жағдайлары жиілеп кетті. Енді ауыл тұрғындары өз қауіпсіздігі үшін алаңдап отыр.

Шығыс Қазақстан облысында жабайы аюлардың саны өсіп жатыр, деп хабарлайды "Хабар 24" телеарнасы. Сарапшылардың есептеуінше, қазір облыста олардың саны 3021.

Маусым айының өзінде олар Степной ауылының жанындағы омарталарға төрт рет шабуыл жасап, Топиха тұрғындарына барған. Сол іздерден мамандар жануарлар шамамен бір жасар екенін анықтады.

Сарапшылар аюлар әлеміндегі аумақтар қатаң бөлінгенін, сондықтан қонжықтар өз аймағын іздеуге мәжбүр екенін айтып отыр. Өскемен орманшылығы олар адам жеріне кірмейтін, біз өзіміз жабайы табиғатқа көбірек басып кіретінімізді атап өтті.

Ал жабайы аюлардан зардап шеккен аймақ тұрғындары өз мүлкі үшін ғана емес, қауіпсіздігі үшін де алаңдап отыр. Олар заң өз жағында болмағандықтан, бұл жануарларға қарсы тұра алмауымыз мүмкін деген пікірде.

"Бұл қылмыстық жауапкершілік. Қазіргі уақытта омарташылар, барлық адам қорғансыз. Яғни, олардың Америкадағы сияқты өз меншігін қорғау үшін аюды, тіпті басқа жануарды өлтіруге құқығы жоқ" ,- деп атап өтті Өскемен қаласының орман шаруашылығының аңшысы Сергей Осинцев.

Мақаланың түпнұсқасы: https://kaz.nur.kz/society/1976482-sqo-da-auyl-turgyndary-ayulardyn-omarta-men-malga-zii-sabuyl-zasaitynyn-aityp-dabyl-qaqty/