Емізулі баласы бар әйелін ұрып-соқты деген күдікпен Ақмола тұрғыны ұсталды

Опубликовано:

Көрнекі
Көрнекі фото: pexels.com

Емізулі баласы бар әйелін ұрып-соқты деген күдікпен Щучинск тұрғынының үстінен қылмыстық іс қозғалды. Бұл туралы Ақмола облысының полиция департаменті хабарлады, деп жазады KAZ.NUR.KZ тілшісі.

Ведомство мәліметінше, 9 шілде күні Бурабай аудандық полиция басқармасына Щучинск тұрғынынан арыз түскен. Ол 33 жастағы азаматтық күйеуі ұрып-соққанын жеткізген.

Белгілі болғандай, ер адам бұған дейін Қылмыстық кодекстің 191-бабы (Тонау) бойынша қылмыстық жауапкершілікке тартылған.

Тәртіп сақшылары 8-9 шілде аралығында ер адамның 5 айлық баланың анасына дене жарақатын салғанын анықтады.

Аталған факті бойынша құқық қорғау органдары Қылмыстық кодекстің 110-бабының 1-бөлігі бойынша сотқа дейінгі тергеуді бастады. Сот-медициналық сараптама тағайындалды.

Сонымен қатар Ақмола облыстық ПД ер адам бұған дейін азаматтық некедегі әйелінің денсаулығына қасақана жеңіл зиян келтіргені үшін 7 мәрте әкімшілік жауапқа тартылғанын атап өтті.

Одан бөлек, күдіктіге қатысты Бурабай аудандық сотының өндірісінде ӘҚБтК-нің 73-бабы 2-бөлігі (Ұрып-соғу) бойынша екі әкімшілік материал қаралуда.

Мақаланың түпнұсқасы: https://kaz.nur.kz/society/1977916-emizuli-balasy-bar-aielin-uryp-soqty-degen-kudikpen-aqmola-turgyny-ustaldy/