Алматылықтар маска тағу режиміне қайта оралды

Опубликовано:

Алматы көшесінде
Көрнекі фото: NUR.KZ / Петр Карандашов

Алматы тұрғындарына жабық мекемелер мен қоғамдық көлікте бетперде тағу ұсынылды. Бұл туралы қала әкімдігі Telegram-дағы ресми арнасында хабарлады.

Ведомствоның мәліметінше, елімізде коронавируспен ауырғандар санының өсуіне байланысты Алматы қаласында қосымша шаралар қабылдау туралы шешім қабылданған. Олар:

  • науқаспен жақын байланыста болған адамдарды қашықтан жұмыс істеуге ауыстыру;
  • вакцина салдыруға қарсы көрсетілімдері бар қызметкерлерді және жүкті әйелдерді қашықтан жұмыс істеуге ауыстыру;
  • жабық мекемелерде, қоғамдық көлікте бетперде тағу;
  • 10-нан астам адамның қатысуымен өтетін кеңестерді онлайн-форматқа ауыстыру.

Бұл ретте әкімдік әзірге маска тағу талабы тек ұсыныс ретінде енгізіліп отырғанын атап өтті.

Мақаланың түпнұсқасы: https://kaz.nur.kz/society/1978074-almatylyqtar-maska-tagu-rezimine-qaita-oraldy/