Найзағай, аптап ыстық: Жұмада еліміздің үш ірі қаласында ауа райы қандай болады

Синоптиктер еліміздің үш ірі қаласында бүгін, 29 шілдеде ауа райы қандай болатынын болжады. Ақпарат "Қазгидромет" РМК ресми сайтында жарияланды.

Метеорологтардың мәліметінше, бүгін Нұр-Сұлтанда күн күркіреп, жаңбыр жауады. Желдің жылдамдығы 9-14 м/с дейін, найзағай кезінде екпіні 15-20 м/с дейін жетуі мүмкін. Сынап бағаналары 19-21 градус жылыны көрсетеді.

Алматыда 29 шілдеде көшпелі бұлт шығады, күн жауын-шашынсыз болады. Күндіз ауа температурасы 31-33 градусқа дейін көтеріледі. Соққан желдің күші 3-8 м/с жетеді.

Шымкентте бүгін жауын-шашын түспейді, дегенмен қалада күн райы 35-37 градусқа дейін көтеріліп, аптап ыстық сақталады. Сондай-ақ жел соғып, күші 8-13 м/с дейін жетеді.