"Аяғын сындырады": Семейде асфальттың үстіне қиыршық тас төсегендер жұрттың ашуын келтірді

Семей қаласының маңында тұрғындар асфальттың үстіне қиыршық тас төсегендердің қылығына наразылық білдірді. Олар жергілікті биліктен талай жыл жөндеу көрмеген жолды қайтарып беруді талап етуде, деп хабарлайды КТК телеарнасы.

"Бұл жолмен қалай жүреміз? Үлкен кісілер бірдеңе қылып жүрерміз. Ал балалар осымен жаяу жүреді. Құлайтын болса, аяқтарын сындырады. Жолды тезірек жасасын", - деді Березовский ауылының тұрғыны Мұратхан Мұқажанов.

Белгілі болғандай, Березовский ауылының орталық көшесіне жол жөндеуге жауапты компания асфальт үстіне қиыршық тас төсеумен ғана шектелген.

Жергілікті тұрғындар көліктің өзі "жаңа жолмен" әрең жүреді деп отыр. Өйткені жолға төселген қиыршық тастар машина дөңгелегін тіліп түсуі мүмкін.

Бұған қатысты Семей қалалық Жолаушылар көлігі және автомобиль жолдары бөлімі пікір білдірді.

"Асфальт үстіне қиыршық тас шынымен төселді ме? Оны біз анықтаймыз. Осы жұмыстарды жүргізген мердігер мекемемен сөйлесетін боламыз. Алдағы уақытты оның бәрі талданады", - дейді ведомствоның бас маманы Жасар Түсіпов.

Дереккөз: КТК телеарнасы

Мәтіннен қате тапсаңыз, бізге жазыңыз