Екібастұзда жол апатынан көлік жүргізушісі қаза тапты

Опубликовано:

жол апаты
Көрнекі фото: NUR.KZ / Петр Карандашов

Павлодар облысы Екібастұз қаласында жол апаты болып, салдарынан көлік жүргізушісі көз жұмды, деп хабарлайды Pavlodarnews.kz.

Павлодар облыстық полиция департаменті ұсынған ақпаратқа сәйкес, жол-көлік оқиғасы  Мәмһүр Жүсіп - Сұлтанмахмұт Торайғыров көшелерінің қиылысында орын алған.

Белгілі болғандай, 31 шілде күні сағат 20.30-да  ВАЗ-21099 және Hyundai Tucson маркалы автокөліктер соқтығысты. 

"Салдарынан ВАЗ-21099 көлігінің 29 жастағы жүргізушісі алған жарақатынан ауруханада көз жұмды", - делінген хабарламада.

Қазіргі уақытта автокөліктер айып тұрағына қойылып, тексеру жүргізілуде. 

Аталған фактіге қатысты сараптама тағайындалды.

Мақаланың түпнұсқасы: https://kaz.nur.kz/society/1981340-ekibastuzda-zol-apatynan-kolik-zurgizusisi-qaza-tapty/

jitsu gif