Алматыда ұлын ұрып-соққан ер адам қамауға алынды

Алматыда өз ұлын ұрып-соққан ер адам қамауға алынды, деп хабарлайды Polisia.kz.

Жасөспірім 15 тамыз күні ауруханаға жеткізілді. Жас жігітке жабық бассүйек-ми жарақаты, бас миының жарақаты, маңдай қуысының алдыңғы қабырғасының сынуы, мұрын сүйектерінің сынуы диагнозы қойылды.

Алатау аудандық полиция басқармасы сотқа дейінгі тергеу амалдарын жүргізіп жатыр.

Күдікті – К.есімді азамат ҚПК-нің 128-бабы бойынша ұсталды және уақытша ұстау изоляторына қамалды. Тергеу барысы Алматы полиция департаменті басшылығының бақылауына алынды.