Қазақстанның ірі қалаларында бүгін ауа райы қандай болады

19 тамыз, жұма күні Қазақстанның үш мегаполисі - Алматы, Нұр-Cұлтан және Шымкентте жауын-шашынсыз ауа райы күтіледі. Бұл туралы "Қазгидромет" РМК мамандары хабарлады.

Синоптиктердің мәліметінше, Алматыда бүгін күн ашық әрі жылы болады - термометр +26...+28 градус аралығын көрсетеді. Оңтүстік астанада желдің жылдамдығы секундына 2-ден 7 метрге дейін баруы мүмкін, дейді мамандар.

Нұр-Сұлтанда термометр бағаны күннен-күнге түсуде. Бүгін елордада +15...+17 градус болады деп күтілуде және жел 9-14 м/с жылдамдықпен соғады.

Ал Шымкентте ыстық ауа райы әлі де сақталады. Бүгін қалада ауа температурасы +30...+32 градусқа дейін көтеріледі. Синоптиктер Шымкент тұрғындарына мегаполисте жел соғатынын да ескертіп отыр. Оның жылдамдығы 15-20 м/с дейін барады деп болжануда.

Мәтіннен қате тапсаңыз, бізге жазыңыз