Нұр-Сұлтанда өткен Хабиб Нурмагомедов турнирінде жанкүйерлер қақтығысып қалды

Полицейлер Нұр-Сұлтандағы "Барыс Аренда" өткен Хабиб Нурмагомедов турнирінде екі қақтығыстың алдын алды, деп хабарлайды Polisia.kz ресми Telegram-арнасында.

Полицияның мәліметінше, турнир барысында жанкүйерлер арасында екі рет қақтығыс болған, алайда полицейлер жанжалдың өршуіне тез тосқауыл қойған.

Екі жағдайда да оқиға қатысушылары полиция бөліміне жеткізілген.

Естеріңізге сала кетейік, кеше, 21 тамызда UFC-дің бұрынғы чемпионы, Eagle Fighting Championship (EFC) лигасының негізін қалаушы Хабиб Нурмагомедов Нұр-Сұлтанға келді. Ол Eagle FC 50 мерейтойлық турниріне қатысты.

Турнирдің басты жекпе-жегінің жеңімпазы – жартылай ауыр салмақтағы аралас жекпе-жек шебері, қазақстандық файтер Дияр Нұрғожай болды.

Мәтіннен қате тапсаңыз, бізге жазыңыз