Жаздың соңғы күндері Қазақстанда 38 градусқа дейін ыстық күтілуде

"Қазгидромет" РМК синоптиктері биыл тамыз айының соңы мен күздің бірінші күнінде қазақстандықтарды қандай ауа райы күтетінін айтты, деп хабарлайды метеорологиялық қызметке сілтеме жасаған KAZ.NUR.KZ.

Синоптиктердің болжамына сәйкес, 30 тамыз бен 1 қыркүйек аралығында Қазақстанның басым бөлігінде ауа райына солтүстік-батыстан келетін кең ауқымды антициклон әсер етеді. Соның әсерінен ел аумағының басым бөлігінде жауын-шашынсыз жылы ауа райы сақталады.

Алайда 31 тамыз және 1 қыркүйек күндері Батыс Қазақстанның батысында, Қостанай және Солтүстік Қазақстан облыстарында жаңбыр жауып, найзағай ойнап, желдің күшеюі күтіледі.

Дегенмен, Қазақстан бойынша айтарлықтай жылы ауа райы болады. Республиканың басым бөлігінде термометрлер +25...+35 градусқа дейін, ал батыс пен оңтүстікте +30...+38 градусқа дейін көтеріледі.