Қазақстанда қандай шетелдік көліктерді заңдастыруға болмайды

Ішкі істер министрлігі 2022 жылдың 1 қыркүйегіне дейін елге әкелінген шетелдік автокөліктерді заңдастыру туралы айтты. Тоқаев соңғы жолдауында осындай тапсырма берген болатын, деп хабарлайды polisia.kz.

Мемлекет басшысы өз жолдауында 1 қыркүйекке дейін әкелінген шетелдік көліктерді бастапқы тіркеу және кәдеге жарату төлемінің құны 200-250 мың теңгеден аспауы керегін айтқан болатын.

"Қазір өкілетті мемлекеттік органдар мен ұйымдар заңнамалық актілерге азаматтарға өздеріне қолайлы шарттармен әкелінетін шетелдік автокөліктерді заңдастыруға мүмкіндік беретін түзетулер әзірлеуде. Сондай-ақ оны іске асыру тетіктерін әзірлеуде", - деп хабарлады ішкі істер министрлігі.

Ведомствоның хабарлауынша, белгіленген мерзімге дейін Қазақстанға әкелінген немесе кірген барлық көліктер бойынша ішкі істер органдары, мемлекеттік кірістер мен ұлттық қауіпсіздік органдары арасында ақпарат алмасу мәселелері пысықталған.

Министрлікте түсіндіргендей, мұндай көліктер туралы ақпарат белгіленген мерзімнен кейін әкелінген көліктерді заңдастыруды болдырмау үшін жинақталған. Бұған дейін ішкі істер министрлігі биылғы жылдың 1 қыркүйегінен кейін Қазақстанға әкелінген көліктерден басқа келесі көліктер заңдастырылмайтынын хабарлаған болатын:

• Соттылығы бойынша іздеуде жүрген;
• Заңды немесе сот ауыртпалығының болуы;
• Бұрын тіркелген елдегі тізілімнен белгіленген тәртіппен жойылмаған;
• Басқару элементтерінің оң жақта орналасуымен;
• Толық кедендік ресімдеуден өтпеген;
• Иелерінің тіркеу және құқық белгілейтін құжаттары жоқ.

"Қылмыстық көліктерді тіркеуді болдырмау үшін заңдастырылған барлық көліктер туралы ақпарат бұрынғы тіркелген елдердің құқық қорғау және кеден органдарымен тексерілетін болады. Біз тағы да азаматтарды автокөлік сатып алу кезінде заң талаптарын сақтауға, олардың заңды тазалығын, оның ішінде Қазақстанда көлікті тіркеу және пайдалану мүмкіндігін міндетті түрде тексеруге шақырамыз", - деп қорытындылады министрлік.