Абай облысында интимдік қызмет көрсеткен 8 әйел ұсталды

Абай облысында интимдік қызмет көрсеткен 8 әйел анықталды. Олардың барлығы қылмыстық есепке қойылды, деп хабарлайды Polisia.kz.

Абай облысы полиция департаменті ұйымдасқан қылмысқа қарсы күрес басқармасының қызметкерлері 7-9 қыркүйек аралығында “STOP-трафик” жедел-алдын алу іс-шарасын өткізді.

Нәтижесінде өңір орталығының аумағында орналасқан боди массаж салондарынан жезөкшелікпен айналысқан притондарды анықтады.

Интимдік массаж көрсеткен қыздар Алматы қаласының, Қарағанды, Павлодар облыстарының тұрғындары болып шықты.

Қазіргі уақытта олар қылмыстық есепке қойылды. Сонымен қатар притондар анықталған үйлердің иелеріне Әкімшілік құқықбұзушылық туралы кодекстің 450-бабына сәйкес құжаттарды жинау жүргізілуде.

Айта кетейік, бұл бапта 100 АЕК немесе 300 мың теңгеден асатын айыппұл қарастырылған.

Мәтіннен қате тапсаңыз, бізге жазыңыз