"Күнделік" платформасы ақылы болады: Желіде тараған ақпарат расталмады

Желі қолданушылары "Күнделік" платформасы мектеп оқушылары мен ата-аналар үшін ақылы болады деген хабарлама тарата бастады. Ақпарат расталмады, деп жазады Stopfake.

Басылым хабарламаның рас-өтірігін Оқу-ағарту министрлігінен нақтылаған.

""Күнделік" – қазақстандық мектептерге арналған цифрлық білім беру платформасы.  Негізгі функционал оқушыларға, педагогтерге және ата-аналарға тегін ұсынылады. Бұл кіру, бағалау, үй тапсырмалары, сабақ жоспарлары және тағы басқа. Бұл опциялардың ақылы болатыны туралы ақпарат шындыққа жанаспайды", – деп хабарлады ведомствоның ресми өкілі Мөлдір Әбдуалиева.