Тоқаев еліміздің құтқарушыларын кәсіби мерекесімен құттықтады

Опубликовано:

өрт сөндірушілер
Өрт сөндірушілер. Көрнекі фото: NUR.KZ/Петр Карандашов

Бүгін Қазақстанда Құтқарушылар күні аталып өтуде. Осы орайда мемлекет басшысы Қасым-Жомарт Тоқаев еліміздің құтқарушыларын кәсіби мерекесімен құттықтады, деп хабарлайды Ақорда.

"Құрметті достар! Баршаңызды Қазақстан Республикасының "Құтқарушы күні" кәсіби мерекесімен құттықтаймын!

Сіздер өз өмірлеріңізді қатерге тігіп, үнемі төтенше жағдайда жұмыс істеп жүрсіздер. Бұл мәртебелі міндетті абыроймен атқарып келесіздер.

Мамандыққа адалдық таныту, ерлікке және кез келген сынаққа дайын болу – төтенше жағдай қызметі мамандарына қойылатын басты талап. Табиғи және техногенді апаттар кезінде, күнделікті сын сәтте сіздерге үлкен жауапкершілік жүктеледі.

Халқымыздың игілігі мен табиғатымыздың құндылықтарын түрлі қауіп-қатерден қорғап, бүгінге дейін мыңдаған адамның ғұмырын сақтап қалдыңыздар. Сондықтан ерен еңбектеріңіз ең жоғары бағаға лайық.

Сіздер алдағы уақытта да қызметтік борыштарыңызды мінсіз атқарып, ел алдындағы маңызды миссияны жалғастыра бересіздер деп сенемін.

Жауапты жұмыстарыңызға табыс, отбасыларыңызға амандық тілеймін!", - делінген президенттің құттықтау хатында.

Мақаланың түпнұсқасы: https://kaz.nur.kz/society/1993321-toqaev-elimizdin-qutqarusylaryn-kasibi-merekesimen-quttyqtady/