Тоқаев Жетісу облысының алты тұрғынын орденмен және медальмен марапаттады

Опубликовано:

Медаль
Медаль. Көрнекі фото: ortcom.kz

Мемлекет басшысы Қасым-Жомарт Тоқаев Жетісу облысына сапары аясында өңірдің бірнеше тұрғынын орденмен және медальмен марапаттады, деп хабарлайды №1 Борт Telegram арнасы.

Мемлекет басшысының жарлығымен елеулі жетістіктері және Қазақстан Республикасына сіңірген айрықша еңбегі үшін:

"Парасат" орденімен "Жетісу" авиакомпаниясының президенті Қалмұхамет Жағыпарұлы Дөңсебаев;

"Парасат" орденімен еңбек ардагері Әуесхан Мажай;

"Құрмет" орденімен еңбек ардагері Әміре Әрінұлы Әрінов;

ІІІ дәрежелі "Еңбек даңқы" орденімен "Жазылбеков және К" шаруашылық қожалығының шопаны Ардақ Абайұлы Бекчойнов;

"Ерен еңбегі үшін" медалімен "Есімжанов" шаруашылық қожалығының төрағасы Мұхит Айтмұхамбетұлы Есімжанов;

"Шапағат" медалімен Безродных атындағы орта мектептің мұғалімі Светлана Петровна Минченко наградталды.

Мақаланың түпнұсқасы: https://kaz.nur.kz/society/1993555-toqaev-zetisu-oblysynyn-alty-turgynyn-ordenmen-zane-medalmen-marapattady/