Мереке күндері ХҚКО-лар қалай жұмыс істейді

"Азаматтарға арналған үкімет" мемлекеттік корпорациясы алдағы демалыс күндері еліміздегі Халыққа қызмет көрсету орталықтары қалай жұмыс істейтінін хабарлады, деп жазады KAZ.NUR.KZ.

Мекеменің мәліметінше, 25 қазан күні елімізде Республика күнін аталып өтіледі. Осыған байланысты ХҚКО-лар мен мамандандырылған ХҚКО-лар 23, 24 және 25 қазан күндері жұмыс істемейді.

"Облыс орталықтары мен республикалық маңызы бар қалалардағы кезекші ХҚКО-лар мен мамандандырылған ХҚКО-лар 24 қазан күні 09-00-ден 13-00-ге дейін жұмыс істейді. Сондай-ақ, 22 қазан жұмыс күні болып бекітілгенін еске саламыз. Бұл күні орталықтар клиенттерді сағат 09-00-ден 18-00-ге дейін қабылдайды", - дейді "Азаматтарға арналған үкімет" корпорациясының өкілдері.

Мекеме 26 қазаннан бастап азаматтар мемлекеттік қызметтерді әдеттегі жұмыс кестесі бойынша ала алатынын атап өтті.

Мәтіннен қате тапсаңыз, бізге жазыңыз