Екібастұзда подъезге түкірген тұрғын айыппұл арқалады

Екібастұзда подъезге түкірген тұрғынның үстінен көршісі полицияға арызданды. Ер адамға қатысты әкімшілік хаттама толтырылып, 5 АЕК мөлшерінде айыппұл салынды, деп хабарлайды Pavlodarnews.kz.

Облыстық полиция департаменті баспасөз қызметінің мәліметінше, бірнеше күн бұрын "102" арнасына Энергетиктер көшесіндегі тұрғын үйде белгісіз ер адамның кіреберісті ластағаны туралы қоңырау түскен.

Қоңырау шалушы қатты ашуланып, сол үйдің тұрғыны екенін айтқан.

"Учаскелік инспектор қауіпсіздік камераларын қарап шыққаннан кейін кіреберістің баспалдағымен көтеріліп бара жатқанда адамның түкіргенін анықтады. Ол адам да сол кіреберістегі пәтерлердің бірінің тұрғыны екені анықталды. Ер адамның үнемі осылай істейтінін және біреудің оған шағымданғанына таң қалды", – дейді департамент өкілдері.

Ер адамға қатысты ӘҚБтК-нің 434-2-бабы бойынша әкімшілік хаттама толтырылған.

Айта кетерлігі, биыл Павлодар облысының 1608 тұрғыны жалпыға ортақ пайдаланылатын орындарды, яғни саябақтар мен скверлерді ластап, коммуналдық қалдықтарды белгіленбеген орындарға тастаған.

Полицейлер аймақ тұрғындарынан заңнаманы сақтауды сұрайды және ұсақ бұзушылық үшін де жауапкершілік қарастырылғанын ескертеді.