Қар, жаңбыр, қатты жел: Бүгін Қазақстан мегаполистерінде ауа райы қандай болады

Синоптиктер жұма, 4 қарашаға қатысты ауа райы болжамын ұсынды. Өзекті мәліметтер "Қазгидромет" РМК ресми сайтында жарияланды.

Мамандар мәліметінше, бүгін Алматыда жауын-шашын болмайды, термометр бағаны +11...+13 градусқа дейін көтеріледі. Оңтүстік астанада жел жылдамдығы секундына 2 метрден 7 метрге дейін құрайды.

Ал Астанада қар аралас жаңбыр жауады. Жел жылдамдығы секундына 9-14 метр болады. Елордада ауа температурасы +4...+6 градусты құрайды.

Бүгін Шымкентте де жауын-шашын күтіледі. Бірақ термометр бағаны +13...+15 градусты көрсетеді. Қалада жел секундына 8-13 метр ұйытқиды.