Павлодарда лифт тросы үзіліп, бір адам көз жұмды

Павлодар қаласында тоғыз қабатты үйде лифтіні жөндеу жұмыстары кезінде трос үзіліп, салдарынан шахтаға құлаған 39 жастағы ер адам оқиға орнында көз жұмды, деп хабарлайды Polisia.kz.

Полиция мәліметінше, марқұм 8-ші қабаттан құлаған.

"4 қарашада Петропавл қаласының полиция басқармасына Жұмабаев көшесіндегі тоғыз қабатты үйде лифтіге күрделі жөндеу жүргізу кезінде трос үзіліп, салдарынан 8-ші қабаттың биіктігінен 39 жастағы ер адам шахтаға құлап кеткені туралы хабарлама келіп түсті.

Ер адам алған жарақаттардан оқиға орнында көз жұмды.

Аталған факті қылмыстық кодекстің 156-бабының 3-бөлігі (Еңбекті қорғау қағидаларын бұзу) бойынша тіркелді. Оқиға орнында Петропавл прокуратурасының және полиция басқармасы жедел-тергеу тобының қызметкерлері жұмыс істеуде", - деп хабарлады ведомства.