Қазақстандық өндірушілер жұмыртқа бағасы қалай өзгеретінін айтты

Опубликовано:

Себеттегі жұмыртқа және ақша
Себеттегі жұмыртқа. Фото: NUR.KZ/Владимир Третьяков

Қазақстандық жұмыртқа өнімдерін өндірушілер мемлекеттен көбірек субсидия сұрап отыр. Биыл оларды қолдауға 7,5 млрд теңге бөлінді, деп хабарлайды KAZ.NUR.KZ КТК телеарнасының сайтына сілтеме жасап.

Қазақстанның жұмыртқа өндірушілер қауымдастығы келесі жылы 7,5 миллиард теңге барлық шығынды жабуға жетпейтініне сенімді.

"Келесі жылы 4 миллиардқа жуық жұмыртқа өндіруді жоспарлап отырмыз. Тиісінше, мемлекеттік қолдауға қажетті бюджет 12 миллиард теңгені құрайды. Міне, сома – бір жұмыртқаға 3 теңге. Бұл жұмыртқа өндіру құнының шамамен 7 пайызын құрайды. Яғни, негізінен, бұл барабар сома", – деді Қазақстан жұмыртқа өндірушілер қауымдастығының басшысы Максим Божко.

Жұмыртқа өндірісінің өзіндік құны бірнеше факторлардан қалыптасады жем, отын және қаптама құны. Мұның бәрі бағаны тек көтереді. Тиісінше, субсидиялар да өсуі тиіс деп санайды қауымдастық.

Елімізде жұмыртқа өндіру көлемі де артқаны атап өтілді. Биыл құс фабрикалары 2,5 млрд дана жұмыртқа өндірген. Бұл 2021 жылмен салыстырғанда 8 пайызға артық. Қазір жұмыртқаның он данасы орта есеппен 500 теңгеден 750 теңгеге дейін барады. Болжам бойынша бұл бағалар жақын арада өзгермейді.

"Биыл жыл басында жем-шөп бағасы айтарлықтай өсті. Оның ішінде бидай да, өсімдік майы да бар. Ал жұмыртқа өндірудің өзіндік құны орташа сату бағасынан жоғары болды. Сондықтан Қазақстанның барлық зауыты тоғыз ай бойы шығынмен жұмыс істеді. Ал қазір олар шығынның орнын толтыруда. Біздің болжамымыз бойынша, қазір нарықта қалыптасқан баға одан әрі өспеуі керек. Тепе-теңдік табылды", – деп түсіндірді Максим Божко.

Дереккөз: КТК

Еске салайық, қыркүйекте елімізде бір жыл ішінде тауық жұмыртқасы 6 пайыздан астам қымбаттап, кейбір өңірлерде жұмыртқа бағасының өсімі 30 пайыздан асқаны хабарланған болатын.

Мақаланың түпнұсқасы: https://kaz.nur.kz/society/1996525-qazaqstandyq-ondirusiler-zumyrtqa-bagasy-qalai-ozgergenin-aitty/