Қазақстандық режиссер Ұлжан Қолдауова өмірден өтті

Кинорежиссер, сценарист Ұлжан Қолдауова өмірден өтті. Бұл туралы Қазақфильм киностудиясы Instagram парақшасында хабарлады.

Ұлжан Қолдауова 1946 жылы 1 тамызда Қызылорда облысының Қазалы станциясында дүниеге келген. Ол КСРО Кинематографистер одағының мүшесі.

Еңбек жолын 1965 жылы "Қазақфильм" киностудиясында бастаған. Режиссердің көмекшісінен дубляждалған фильмдердің жоғары санатты режиссері мен көркем фильмдердің қоюшы-режиссеріне дейінгі даңғыл жол өтті.ті.

Еңбек жолын 1965 жылы "Қазақфильм" киностудиясында бастаған. Режиссердің көмекшісінен дубляждалған фильмдердің жоғары санатты режиссері мен көркем фильмдердің қоюшы-режиссеріне дейінгі даңғыл жол өтті.

"Ш. Айманов атындағы "Қазақфильм" киностудиясының ұжымы Ұлжан Қолдауованың туыстары мен жақындарына көңіл айтады", - делінген киностудия жазбасында.

Айта кетейік, ҚазАқпараттың хабарлауынша, Ұлжан Қолдауова 300-ден астам фильмді қазақ тіліне дубляждаумен айналысқан. Сондай-ақ марқұм режиссер ретінде "Айғаным" қысқаметражды және "Намыс" толықметражды фильмдерін түсіріп, Тегеран мен Карловы Варыда өткен кинофестивальдерде бірнеше жүлделі орындарға ие болған.

Мәтіннен қате тапсаңыз, бізге жазыңыз