Алматыда бірнеше автобус бағытының қозғалысына өзгеріс енгізіледі
Опубликовано:
Ертеңнен бастап Алматыда жолаушылардың өтініші бойынша №59, №113 и №205 автобустардың қозғалыс бағытына өзгерістер енгізіледі, деп хабарлайды KAZ.NUR.KZ қала әкімдігінің баспасөз қызметіне сілтеме жасап.
"Жолаушылар өтініші бойынша 14 қарашадан бастап №59, №113 және №205 бағыттардың қозғалысы өзгереді. Енді олар Құлжа тас жолы мен Бұқтырма көшелерінің қиылысынан қозғалған кезде көпір астына кетіп, Рысқұлов даңғылында кері айналып, жол бойындағы аялдама пункттеріне тоқтап өтетін болады", - дейді Алматы қаласы Көлік холдингінің өкілдері.
Айта кетейік, автобус - Алматыдағы ең сұранысқа ие қоғамдық көлік. Сондай-ақ мегаполисте метро мен троллейбустар жүреді. 2GIS қосымшасындағы ақпаратқа сәйкес, қазір Алматыда 172 автобус бағыты бар.
Жол жүру ақысы қолма-қол ақшамен - 150 теңге, ал ONAY жүйесінің көмегімен - 80 теңге. Оқушылардың, студенттердің және зейнеткерлердің жол жүру ақысы – 40 теңге.
Мақаланың түпнұсқасы: https://kaz.nur.kz/society/1996960-almatyda-birnese-avtobus-bagytynyn-qozgalysyna-ozgeris-engizildi/