Қарағанды және Ұлытау облыстарының шекарасы белгіленді

Опубликовано:

Қарағанды облысы
Қарағанды облысы. Фото: Primeminister.kz

Қарағанды ​​мен Ұлытау облыстарының шекарасы ресми түрде бекітілді. Үкімет қаулысына премьер-министр Әлихан Смайылов қол қойды. Құжат primeminister.kz ресми сайтында жарияланды.

Үкімет қаулысы "Қазақстан Республикасының әкімшілік-аумақтық құрылысы туралы" Заңның 10-бабының 1-1) тармақшасына сүйенген.

"Қарағанды және Ұлытау облыстарының әкімдіктері осы қаулыдан туындайтын шараларды қабылдасын. Осы қаулы алғашқы ресми жарияланған күнінен бастап қолданысқа енгізіледі", – делінген ресми хабарламада.

Осылайша, Қарағанды ​​облысының аумағы 23 904 635 гектарды құрады. Ол Павлодар, Абай, Жетісу, Алматы, Жамбыл, Ұлытау, Қостанай және Ақмола облыстарымен шектеседі.

Ал Ұлытау облысының аумағы 18 893 661 гектарды құрады. Облыс Қарағанды, Жамбыл, Түркістан, Қызылорда, Ақтөбе және Қостанай облыстарымен шектеседі.

Мақаланың түпнұсқасы: https://kaz.nur.kz/society/1997058-qaragandy-zane-ulytau-oblystarynyn-sekarasy-belgilendi/