22 градусқа дейін аяз: алдағы үш күнде ел аумағында ауа райы қандай болады
Опубликовано:
"Қазгидромет" РМК алдағы үш күнге, яғни 16-18 қарашаға арналған ауа райы болжамын ұсынды, деп жазады KAZ.NUR.KZ.
Синоптиктердің болжамынша, алдағы күндері республиканың көп бөлігіне Солтүстік-Батыс антициклоны ықпалын тигізеді.
Сол себепті ел аумағында жауын-шашынның қысқа мерзімге тоқтауы және температураның төмендеуі күтіледі.
Сондай-ақ, республика бойынша желдің күшеюі (15-23 м/с), көктайғақ, тұман, солтүстікте, шығыста және орталықта бұрқасын күтілді.
Одан бөлек, солтүстікте қар, оңтүстік пен батыста қар аралас жаңбыр жаууы мүмкін.
Түнде солтүстікте, шығыста, орталықта 8-22 градусқа дейін аяз болуы ықтимал.
Мақаланың түпнұсқасы: https://kaz.nur.kz/society/1997430-22-gradusqa-deiin-ayaz-aldagy-us-kunde-el-aumagynda-aua-raiy-qandai-bolady/